مش قلتلك
إني فيوم هحن لك
مهما تروح
مهما تغيب
مانت الحبيب
وأنت الوحيد اللي وهبت القلب لك
مش قلتلك
إني فيوم هحنلك
هانت عليك
لحظة خدتني الدنيا فيها بشوق إليك
ويهون عليك
حضنك لإيدي لما تبقى بين إيديك
وان غبت عنك يوم تقل لي اشتقتلك
مش قلتلك
إني فيوم هحنلك
طال الغياب
واستنا قلت يجيني منك يوم جواب
مليان عتاب أو فيه سلام
ولا شفت منك غير خصام
فبعتلك
مش قلتلك
إني فيوم هحنلك
إيه أخرك
عني وانا باستنظرك
أرجع قوام
مش بأمُرَك
دانا بس باتمناك تعود والأمر لك
مش قلتلك
إني فيوم هحنلك.
ليست هناك تعليقات:
إرسال تعليق